Қазығұрт асуындағы «Нұх Пайғамбар» мемориалдық кешенінда Наурызнама онкүндігі аясында «Ұлттық киімдер шеруі» өтті.
Шара барысында әр жастағы тұрғындар ұлттық нақыштағы киімдерді киіп, қазақ халқының бай мәдени мұрасын көпшілікке таныстырды. Сонымен қатар, қолөнер көрмесі ұйымдастырылып, ұлттық тағамдарға толы дастархан жайылды.
Ақсақалдар батасын беріп, жастар ән шырқап, мерекелік көңіл-күй сыйлады. Бұл көрініс ұрпақтар сабақтастығы мен ұлттық құндылықтардың маңызын айқындай түсті.
Ұлттық киім – халқымыздың тарихы мен рухын айшықтайтын асыл мұра.