Отырар ауданында ауыл шаруашылығын тұрақты дамыту мақсатында суару маусымына дайындық жұмыстары жүйелі түрде жүргізілуде.
Аудан әкімі Қайрат Жолдыбайұлының тапсырмасымен каналдарды тазалау және ирригациялық инфрақұрылымды жаңғырту жұмыстары күшейтілген. Қазсушар мекемесімен бірлесіп, жалпы ұзындығы 62,7 шақырымды құрайтын 18 канал тазартылып жатыр. Қазіргі таңда жұмыстардың 57 пайызы орындалған.
Сонымен қатар, су үнемдеуді арттыру үшін каналдарды бетондау жұмыстары қолға алынған. Атап айтқанда, «Ақарық» каналы толық жаңартылып, «Серібек» каналы бойынша жұмыстар жалғасуда. Ал «Алтынбеков» каналы жақын уақытта жаңғыртылады.
Жүргізіліп жатқан шаралар егістік алқаптарын уақытылы сумен қамтамасыз етіп, өнімділікті арттыруға бағытталған.