Арыс қаласы аумағында теміржол саласын дамытуға бағытталған ірі инфрақұрылымдық жоба – электровоздарға қызмет көрсететін жаңа депоның құрылысы қарқынды түрде жалғасып жатыр.
Аталған нысан іске қосылған кезде заманауи талаптарға сай техникалық қызмет көрсету орталығы ретінде жұмыс істеп, электровоздардың сапалы әрі үздіксіз қызмет көрсетуіне мүмкіндік береді. Бұл өз кезегінде жүк және жолаушы тасымалының тиімділігін арттырып, теміржол жүйесінің қауіпсіздігін күшейтеді.
Құрылыс алаңында бүгінде негізгі жұмыстар – ғимараттардың қаңқасын тұрғызу, инженерлік желілерді тарту және өндірістік аймақтарды дайындау бағытында жүргізілуде. Жоба аясында заманауи құрал-жабдықтар орнатылып, жоғары білікті мамандарды тарту жоспарланған.
Мамандардың айтуынша, жаңа депо іске қосылғаннан кейін өңірде жаңа жұмыс орындары ашылып, жергілікті экономиканың дамуына оң серпін береді.
Айта кетейік, мұндай өндірістік нысандардың салынуы еліміздің көлік-логистика әлеуетін арттыруға және өңірлер арасындағы байланысты нығайтуға бағытталған маңызды қадам болып табылады.