АҚШ Сирия аумағындағы әскерін толық шығарды. Сирия Сыртқы істер министрлігінің X желісінде жарияланған мәліметке сәйкес, бұған дейін америкалық күштер орналасқан барлық әскери нысандар ел үкіметінің қарамағына берілген.
Бұл ақпаратты АҚШ Қарулы күштерінің Орталық қолбасшылығы да растады. Соңғы америкалық әскери колонна солтүстік-шығыстағы Касрак базасынан техникасын алып шыққан.
Еске салсақ, АҚШ-тың Сириядағы әскери миссиясы 2014 жылдың қыркүйегінде басталған еді. Ал биыл ақпанда Вашингтон операцияны аяқтап, ел аумағынан шамамен 1000 әскери қызметкерін шығаратынын мәлімдеген