Шағыр–Монтайтас станциясындағы теміржол өткелі уақытша жабылады.
Арыс жол дистанциясының хабарлауынша, Арыс қаласына қарасты Шағыр станциясы аумағында (Шағыр–Монтайтас аралығы, 3250 шақырым, 3-пикет) орналасқан реттелетін күзетулі өткелде жөндеу жұмыстары жүргізіледі.
Осыған байланысты автокөлік қозғалысы уақытша тоқтатылады.
Жөндеу жұмыстары 12 мамыр күні сағат 17:00-ге дейін жалғасады. Аталған уақыт аралығында өткел жабық болады.
Тұрғындар мен қала қонақтарынан бұл жағдайға түсіністікпен қарап, жол жүру бағыттарын алдын ала жоспарлауды сұраймыз.