дереккөз фото Жас Алаш
Қазақстан Республикасының Парламенті Сенаты «Қазақстан Республикасының мемлекеттік наградалары туралы» заңға енгізілетін өзгерістерді мақұлдады.
Жаңа түзетулерге сәйкес, елде бірнеше жаңа мемлекеттік орден тағайындалады:
«Әл-Фараби» ордені – білім, ғылым, мәдениет және рухани даму салаларында айрықша еңбек сіңірген азаматтарға табысталады. Орден атауы шығыстың ұлы ойшылы Әл-Фараби есімімен байланысты.
«Қожа Ахмет Ясауи» ордені – мемлекеттілік пен гуманитарлық-ағартушылық бағыттың дамуына үлес қосқан қазақстандық және шетелдік ғалымдар мен қоғам қайраткерлеріне беріледі. Орден түркі әлеміне ортақ тұлға Қожа Ахмет Ясауи құрметіне аталған.
«Мейірім» ордені – қайырымдылық және филантропия саласында белсенділік танытқан азаматтарды марапаттауға арналған.
Жаңа наградалар қоғамның түрлі саласында елеулі үлес қосқан азаматтарды ынталандыруға және ұлттық құндылықтарды дәріптеуге бағытталған.