Қазақстандық оқушылар халықаралық философия олимпиадасында алғаш рет марапат алды
14–17 мамыр аралығында Warsaw қаласында 10-11 сынып оқушылары арасында өткен Халықаралық философия олимпиадасында қазақстандық оқушылар тарихи жетістікке қол жеткізді.
Биылғы білім додасына әлемнің 50-ден астам елінен 118 оқушы қатысып, философиялық эссе жазу бойынша бақ сынады.
Олимпиада қорытындысы бойынша Қазақстан ұлттық құрамасының мүшелері құрмет грамоталарымен марапатталды. Атап айтқанда, Евгения Шатохина мен Сәкен Заңғар ел намысын абыроймен қорғады.
Айта кетейік, қазақстандық оқушылар бұл олимпиада тарихында алғаш рет марапатқа ие болып отыр.