Қазақстандық әнші Димаш Құдайберген гуманитарлық миссия аясында Бангладештің Кокс-Базар қаласына барды. Бұл аймақ – қоныс аударуға мәжбүр болған адамдар ең көп шоғырланған өңірлердің бірі саналады.
Ресми мәліметке сәйкес, сапар барысында Халықаралық көші-қон ұйымының гуманитарлық бастамаларымен танысуға арналған кездесулер мен іс-шаралар өтеді. Сонымен қатар халықаралық қауымдастықтың назарын гуманитарлық көмек пен тұрақты даму мәселелеріне аудару көзделген.
Айта кетейік, Димаш Құдайберген 2024 жылдың ақпан айында БҰҰ-ның тоғыз ізгі ниет елшісінің бірі болып тағайындалған.
Халықаралық көші-қон ұйымы – көші-қон мәселелерімен айналысатын жетекші халықаралық ұйымдардың бірі.