Қазақстанда зейнетақы жинақтарының ең төмен жеткілікті шегін есептеу әдістемесіне өзгеріс енгізілді. Тиісті қаулыға Премьер-министр Олжас Бектенов қол қойды.
Жаңа әдістеме бойынша жеткіліктілік шегін есептеу кезінде кірістіліктің жылдық мөлшерлемесі 9%, ал зейнетақы төлемдерін индекстеудің жылдық мөлшерлемесі 8% көлемінде белгіленеді.
Қаулыда ең төмен жеткіліктілік шегі өткен жылғы деңгейден төмен болмауы керектігі айтылған. Сонымен қатар, ол болжамды инфляциядан 5 пайыздық тармаққа жоғары деңгейде қайта есептеледі.
Жаңа жеткіліктілік шектері маусым айында жарияланады.