Қытайдың цифрлық астық саудасы платформасының қазақстандық бөлігі пилоттық режимде іске қосылды.
Осы платформа арқылы қазақстандық SN Trade Company серіктестігі қытайлық Yihai (Changji) Oils & Grains Industries Co., Ltd компаниясына 200 тонна зығыр майының сынақ партиясын жеткізу туралы келісім жасады.
Платформаның іске қосылуы Қазақстан мен Қытай арасындағы ауыл шаруашылығы өнімдері саудасын цифрландыру бағытындағы ынтымақтастықтың бір бөлігі болып отыр. Бұл жоба Азық-түлік келісімшарт корпорациясы мен қытайлық серіктестер арасында былтыр басталған келіссөздердің жалғасы саналады.