Алматыда әйгілі Cirque du Soleil ұжымының OVO шоуының гастрольдері басталды. Осылайша, Алматы аңызға айналған цирк қойылымдарын қабылдаған Қазақстандағы екінші қала атанды.
Бұған дейін елордада үлкен табысқа жеткен шоу енді алғаш рет оңтүстік астана көрермендеріне Almaty Arena сахнасында ұсынылып отыр.
OVO – жәндіктер әлемінің тыныс-тіршілігін ерекше акробатикалық қойылымдар, әсерлі музыка мен көз тартарлық көріністер арқылы бейнелейтін танымал шоу. Көрермендерге халықаралық деңгейдегі өнер мен заманауи цирк мәдениетінің үздік үлгілері ұсынылады.