Қасым-Жомарт Тоқаев Премьер-министрдің орынбасары – Аида Балаеван қабылдады.
Кездесу барысында Мемлекет басшысына мәдениет, ақпарат, азаматтық қоғам, жастар саясаты және креативті индустрияларды дамыту бағытында атқарылып жатқан жұмыстар туралы баяндалды. Сондай-ақ қоғамдық келісімді нығайту, ақпараттық саясаттың тиімділігін арттыру және мәдени жобаларды жүзеге асыру мәселелері қарастырылды.
Президент аталған салалардағы бастамаларды жүйелі түрде жалғастырудың маңызын атап өтіп, ақпараттық кеңістіктің сапасын арттыру, ұлттық мәдениетті қолдау және азаматтық қоғам институттарымен өзара байланысты күшейту жөнінде бірқатар нақты тапсырма берді.