Қазақстанда жүргізілген әлеуметтік сауалнама нәтижесі бойынша, азаматтардың 75,6 пайызы алдағы Құрылтай сайлауында дауыс беруге дайын екенін білдірді. Зерттеу халықтың сайлау процесіне деген қызығушылығы мен азаматтық белсенділігінің жоғары екенін көрсетті.
Face-to-face, яғни бетпе-бет сұхбат форматында өткен сауалнамаға еліміздің барлық өңірлерінен, сондай-ақ Астана, Алматы және Шымкент қалаларынан 18 жастан асқан 8 мың тұрғын қатысты. Бұл зерттеу қоғамдық пікірдің кең ауқымын қамтып, сайлауға қатысты көңіл күйді бағалауға мүмкіндік берді.
Сауалнама қорытындысы азаматтардың сайлау үдерісіне қатысуға дайын екенін және елдің қоғамдық-саяси өміріне бейжай қарамайтынын аңғартады.