Шымкент қаласы әкімінің орынбасары Руслан Берденов оқ жарақатымен ауруханаға түсті. Қазіргі уақытта оның жағдайына қатысты нақты мәліметтер әзірге жарияланған жоқ.Бұл туралы Arysinfo.kz тілшісі хабарлайды.
Белгілі журналист Михаил Козачковтың мәліметінше, шенеунікке оқ атқан күдікті қолға түскен. Оқиғаның мән-жайын анықтау мақсатында Шымкент қалалық полиция департаментіне ресми сауал жолданды. Құқық қорғау органдары тарапынан әзірге ресми түсініктеме берілген жоқ.
Қазіргі таңда тергеу амалдары жүргізілуде. Қосымша мәліметтер ресми ақпарат түскеннен кейін жарияланады.