5 қыркүйек күні сағат 16:00-де Арыс қаласына қарасты Монтайтас ауылдық клубында қала әкімдігінің бірқатар бөлімдерінің мамандарының қатысуымен арнайы жиналыс ұйымдастырылады,-деп хабарлайды Арысинфо.кз тілшісі.
Жиынға сәулет және қала құрылысы бөлімі, ауыл шаруашылығы бөлімі, жер қатынастары бөлімі, сондай-ақ қалалық кірістер басқармасының өкілдері қатысып, ауыл тұрғындарының сауалдарына жауап береді.
Кездесуде төмендегідей мәселелер талқыланбақ:
- ауыл шаруашылығы мақсатындағы тәлімі егістіктердің игерілуі;
- жайылымдық жерлерге заңсыз салынған қора-қопсы құрылыстары;
- игерілмей бос жатқан жерлердің жағдайы;
- елді мекен ішінде өз бетінше салынған тұрғын үйлер;
- қабылдау актісін алмаған тұрғын үйлер;
- аукцион арқылы берілген, бірақ игерілмеген кәсіпкерлік нысандар;
- құжатсыз жұмыс істеп тұрған кәсіпкерлік нысандар (дүкендер).
Қала әкімдігі тұрғындарды осы жиынға белсенді қатысуға шақырып, көтерілетін мәселелерге жауапкершілікпен қарауды сұрап отыр.
Жиналыс орны: Монтайтас ауылдық клубы
Уақыты: 2025 жылғы 5 қыркүйек, сағат 16:00