Арыс қаласында мемлекеттік қызмет алушылар күні өтті,-деп жазады Арысинфо.кз тілшісі.
Арыс қаласында Мемлекеттік қызмет істері агенттігінің Түркістан облысы бойынша департаменті жоспарына сәйкес мемлекеттік қызмет алушылар күні ұйымдастырылды. Іс-шара «Азаматтарға арналған үкімет» мемлекеттік корпорациясының қалалық бөлімінде өтті.
Тұрғындар жылжымайтын мүлікті тіркеу, объектінің паспорты, кадастр және басқа да мәселелер бойынша сауалдарын қойып, мамандардан нақты жауап алды. Шараның басты мақсаты – азаматтарға мемлекеттік қызметтерді алуда қолдау көрсету мен түсіндіру жұмыстарын күшейту.