Құрметті арыстықтар!
Ардақты жерлестер!
Көктемнің шуағы төгіліп, табиғат жаңаратын мезгіл де келіп жетті. Бұл – айнала ғана емес, өзіміз де жаңарып, игі бастамаларға бет бұратын кезең. Ал қасиетті Рамазан айы – сабыр мен мейірімнің, тазалық пен ізгіліктің айы.
Осы сәтті пайдаланып, баршаңызды туған қаламыздың көркеюіне белсенді атсалысуға шақырамыз. Әр шаңырақ өз ауласын, әр тұрғын өз көшесін таза ұстаса, қаламыздың келбеті айрықша ажарлана түсері анық. Қоқысты белгіленбеген орындарға тастамай, сенбіліктерге қатысып, тал егіп, жасыл аймақтарды күтіп-баптауға бірге үлес қосайық.
Тазалық – мәдениет пен жауапкершіліктің айғағы. Ортақ үйіміздің тазалығы мен тәртібі – әрқайсымызға ортақ міндет.
Бірлік пен ынтымақ бар жерде береке бар.
Арысымыздың гүлденуі – өз қолымызда.
Арыс қаласы әкімдігі