дереккөз фото:Aikyn.kz.
Астанада қоғамдық орында қолына автоматқа ұқсас зат ұстап шыққан әйел тұрғындардың үрейін туғызды. Оқиға аялдама маңында болып, куәгерлердің алаңдаушылығын тудырған.
Құқық қорғау органдары жағдайға жедел әрекет етіп, оқиғаның мән-жайын анықтады. Нәтижесінде әйелдің әрекеті қоғамдық тәртіпті бұзу ретінде бағаланып, әкімшілік жауапкершілікке тартылды.
Сот қаулысымен тәртіп бұзған азаматшаға 20 айлық есептік көрсеткіш (АЕК) мөлшерінде әкімшілік айыппұл салынды.
Мамандар қоғамдық орындарда қаруға ұқсас заттарды алып жүру немесе өзгелердің қауіпсіздігіне күмән тудыратын әрекеттер жасау тұрғындар арасында дүрбелең туғызуы мүмкін екенін ескертеді.