дереккөз фото: Aikyn.kz.
Елімізде мереке күндерінің тізімін толықтыру мәселесі қарастырылып жатыр. Бұл туралы Еңбек және халықты әлеуметтік қорғау вице-министрі Виктория Шегай мәлімдеді.
Оның айтуынша, 25 қазан – Республика күні бүгінде ұлттық мереке мәртебесіне ие және ресми демалыс күні болып саналады. Вице-министр мерекелік күндерге қатысты ұсыныстар мен бастамалар тиісті тәртіппен қаралатынын айтты.
Қазіргі уақытта тағы бір демалыс күнін енгізу мүмкіндігі талқылануда. Алайда нақты қандай мереке туралы сөз болып отырғаны және оның қашан күшіне енуі мүмкін екені әзірге белгісіз.
Егер бастама қолдау тапса, қазақстандықтардың мерекелік демалыс күндерінің саны артуы ықтимал.