Шараны аудандық прокуратура, аудандық білім бөлімі және жастар ресурстық орталығы «Заң мен тәртіп» қағидаты аясында бірлесіп ұйымдастырды.
Жарысқа ауданның білім беру ұйымдарынан құралған 9 команда қатысып, өзара бақ сынады. Қатысушылар «Сәлемдесу», «Сұрақ-жауап» және «Бес жаңалық» кезеңдері бойынша өнер көрсетіп, көрермендерге көтеріңкі көңіл күй сыйлады. Әр команда өз әзілдерімен, сахналық қойылымдарымен ерекшеленіп, тапқырлық пен шығармашылық қабілеттерін көрсетті.
Сайыс қорытындысы бойынша: І орын – «Дарын жастары» (Дарын мектеп-интернаты). ІІ орын – «Bulaq boys» (Ащыбұлақ ЖББМ). ІІІ орын – «Алғыр жетілік» (Т. Рысқұлов ЖББМ)
Арнайы номинациялар бойынша «Үздік ойыншы» атағы Қуаныш Нұрасылға («Шаңырақ» командасы, Қ. Сәтпаев мектеп-лицейі), ал «Үздік әзіл» номинациясы №11 санаториялық мектеп-интернатына берілді.
Жеңімпаздар дипломдармен, кубоктармен және бағалы сыйлықтармен марапатталды. Ұйымдастырушылар мұндай іс-шаралар жастардың шығармашылығын дамытып, олардың белсенділігін арттыруға ықпал ететінін атап өтті.