Қазығұрт аудандық мәдениет сарайында 21 мамыр – Мәдениет және өнер қызметкерлері күніне арналған салтанатты шара ұйымдастырылды.
Мазмұны терең мерекелік жиынға аудан әкімі Азизхан Исмаилов қатысып, сала мамандарын кәсіби мерекелерімен құттықтады.
«Мәдениет – ұлттың рухани тірегі, ал өнер – халықтың айнасы. Сіздер ұлттық құндылықтарды дәріптеп, мәдени мұрамызды келер ұрпаққа жеткізу жолында аянбай еңбек етіп келесіздер. Өңірдің мәдени өмірін дамытуға қосқан үлестеріңіз зор құрметке лайық,» – деді аудан басшысы.
Шара барысында мәдениет пен өнер саласында табысты еңбек етіп жүрген бірқатар азаматтарға алғыс хаттар табысталды.
Мерекелік кеш театрландырылған қойылыммен басталып, аудан өнерпаздарының қатысуымен өткен концерттік бағдарламаға ұласты.