Монтайтас ауылдық округінде «Таза Қазақстан» экологиялық акциясы аясында тазалық шарасы ұйымдастырылды. 21 тамыз күні өткен сенбілікке жергілікті мекеме қызметкерлері қатысып, ауыл аумағын абаттандыру жұмыстарына үлес қосты.
Белсенділер елді мекеннің ішкі аумақтарын аралап, шашылған қоқыстарды жинады. Сонымен қатар қоршаулардың сыртындағы жерлер де тазаланып, айналадағы тәртіп ретке келтірілді.
Шараның басты бағыты – ауылдың санитарлық жағдайын жақсарту ғана емес, тұрғындардың табиғат пен қоршаған ортаға деген жауапкершілігін арттыру. Ұйымдастырушылар тазалықты сақтау әр адамның күнделікті әдетіне айналуы керектігін атап өтті.
«Таза Қазақстан» бастамасы аясындағы мұндай жұмыстар азаматтық жауапкершілікті күшейтіп, экологиялық мәдениетті қалыптастыруға бағытталған. Таза әрі жайлы елді мекен құруға әр тұрғын өз үлесін қоса алады.