дереккөз фото Jas Alash
Қасым-Жомарт Тоқаев Түркістанға жұмыс сапары барысында Шавкат Мирзиёевпен бірге жаңа мешітті аралап көрді.
Құлшылық орны Өзбекстан тарапының Түркістан тұрғындары мен барша қазақстандықтарға арнайы сыйы ретінде бой көтерген. Жаңа мешіттің ашылуы екі ел арасындағы рухани әрі бауырластық байланыстың айқын көрінісі болды.
Мешіттің орталық залында Құран оқылып, арнайы рухани рәсім өтті. Зәулім ғимарат дәстүрлі ислам сәулеті мен заманауи құрылыс технологияларын үйлестіре отырып салынған. Ішкі және сыртқы әрлеуде ұлттық ою-өрнектер мен ислам каллиграфиясы кеңінен қолданылған.
Айта кетейік, мешіт мұнараларының биіктігі 61 метрге жетеді.