Қазақстанның түкпір-түкпіріндегі ауыл мектептерінің үздік оқушылары қатысатын республикалық «IQanat 2025» олимпиадасының алғашқы кезеңі аяқталды. Биыл жарысқа қатысушылар саны рекорд жаңартты — еліміздің 170 ауданындағы 3 300 ауылдан 64 мыңнан астам сегізінші сынып оқушысы бақ сынады. Оның ішінде Түркістан облысынан alone 18 мыңнан астам бала қатысып отыр.
Байқауға қатысушылардың арасында Шолаққорған ауылындағы Сұлтанмұраттар отбасының балалары да бар. Отбасының кенжесі, 8-сынып оқушысы Қазыбек Сұлтанмұрат ағасы Жақсылықтың ізімен «IQanat» олимпиадасына алғаш рет қатысып отыр. Ал ағасы өткен жылы осы білім сайысының үш кезеңін де сәтті өтіп, үздік жүздікке енген. Нәтижесінде ол Бурабайдағы «IQanat» мектеп-пансионатында тегін оқуға мүмкіндік алған. Қазір Жақсылық халықаралық бағдарлама бойынша 10-сыныпта білім алып жүр.
Бұл жоба ауыл балалары үшін үлкен мүмкіндік болып отыр. Себебі олимпиада жеңімпаздарының оқу, жатын және тұрмыстық шығындарын «IQanat» бастамасын қолдаған кәсіпкерлер өз мойнына алады. Жоба тек білім берумен шектелмей, қатысушыларды үш жыл бойы сүйемелдеу бағдарламасына қосады. Бұл бағдарламада оқушылар ағылшын тілі мен ІТ саласын тереңдетіп оқиды, кәсіпкерлік пен заманауи коммуникация дағдыларын меңгереді.
«IQanat» қауымдастығын 240 кәсіпкер қолдап отыр. Бүгінде оның түлектерінің 94 пайызы Қазақстан мен шетелдің беделді жоғары оқу орындарында тегін білім алуда. Қазір жоба түлектері әлемнің 19 елінде оқып жүр.
Бұл олимпиада ауылдағы дарынды жастардың әлеуетін ашуға бағытталған, әрі олардың болашақтағы кәсіби жолына сенімді қадам жасауына мүмкіндік беріп отыр.