Алматылық ер адам көрші елге жеткізуі керек 21 тонна мотор майын сатып жіберген, — деп хабарлайды Arysinfo.kz.
Шымкент полицейлері халықаралық жеткізу қызметін көрсетемін деп алдаған алаяқты ұстады. Ол құны 14 миллион теңгеден асатын мотор майының ірі партиясын өзі иемденген.
Полицияның мәліметінше, Алматы тұрғыны тауарды оңтүстік астанадан көрші елге тасымалдауға уәде берген. Алайда міндетін орындамай, майды басқа адамдарға төмен бағада сатып жібереді. Тәртіп сақшылары тауарды анықтап, тәркілейді.
Тергеу іс-шаралары барысында құқық қорғаушылар күдіктінің жеке басын анықтап, оны қамауға алды. Мотор майы иесіне қайтарылды.