Дереккөз, фото: Арыс қаласы әкімдігі
Ұлы Жеңістің 81 жылдығына орай қала орталығындағы Жеңіс саябағында тазалық және абаттандыру шарасы өтті.
Іс-шара барысында саябақ аумағындағы стеллалар жуылып, айналасы ретке келтірілді. Сонымен қатар, арамшөптер шабылып, гүлдер мен талдардың түптері қопсытылып, аумақты көріктендіру жұмыстары жүргізілді.
Мереке қарсаңында ұйымдастырылған жұмыстар саябақтың тазалығы мен санитарлық жағдайын жақсартуға бағытталды. Сондай-ақ тұрғындар мен қонақтардың демалысына қолайлы әрі таза орта қалыптастыруға мән берілді.
Тазалық шарасы барысында қоғамдық орындардың күтімі мен қоршаған ортаны таза ұстаудың маңыздылығы да насихатталды.