дереккөз фото:Aikyn.kz.
«Курорт-Бурабай» теміржол вокзалы күрделі жаңғырту жұмыстарынан кейін қайта пайдалануға берілді. Нысан курорттық аймақтың көлік қолжетімділігін қамтамасыз ететін маңызды инфрақұрылымдық орталық саналады.
Жаңғырту барысында вокзал ғимараты толық жаңартылып, жолаушыларға қолайлы жағдай жасауға басымдық берілді. Күту залдары кеңейтіліп, инженерлік жүйелер жаңартылды, мүмкіндігі шектеулі азаматтар үшін қажетті жағдайлар қарастырылды. Сондай-ақ ғимараттың сыртқы келбеті заман талабына сай жаңартылып, абаттандыру жұмыстары жүргізілді.
Жаңартылған вокзал ішкі және сыртқы туристерді қабылдау сапасын арттырып, Бурабай өңірінің туристік әлеуетін дамытуға серпін береді деп күтілуде. Бұл жоба өңірдегі көлік инфрақұрылымын жақсартуға және жолаушыларға көрсетілетін қызмет сапасын арттыруға бағытталған жұмыстардың бір бөлігі болып табылады.
Бурабай – еліміздегі ең танымал туристік бағыттардың бірі. Сондықтан вокзалдың жаңғыртылуы өңірге келушілер үшін қолайлы әрі қауіпсіз сапар ұйымдастыруға мүмкіндік береді.