Түркістан облысында қоғамдық-саяси ахуалға қатысты кезекті апталық штаб отырысы өтті. Жиын облыс әкімінің орынбасары Ертай Алтаевтың төрағалығымен ұйымдастырылды.
Кеңеске құзырлы органдардың басшылары, жауапты басқарма жетекшілері және аудан-қала әкімдерінің орынбасарлары қатысты. Күн тәртібінде өңірдегі өзекті мәселелер мен қоғамдық-саяси жағдайдың тұрақтылығын қамтамасыз етуге қатысты мәселелер қаралды.
Жиында жауапты сала басшылары мен аудан, қала әкімдерінің орынбасарлары атқарылған жұмыстар жөнінде есеп беріп, көтерілген мәселелерді шешу жолдарын ұсынды.
Басты назар – жағдайды алдын ала бақылау мен туындауы мүмкін мәселелердің алдын алуға аударылды. Жиын соңында облыс әкімінің орынбасары Ертай Кенжебекұлы жауапты тұлғаларға қоғамдық-саяси ахуалды тұрақты бақылауда ұстап, тиісті жұмыстарды жүйелі түрде жалғастыруды тапсырды.
Өңірдегі тұрақтылықты сақтау, халықпен кері байланысты күшейту және өзекті мәселелерді дер кезінде шешу бағытындағы жұмыстар алдағы уақытта да жалғасады.