Шымкенттің Қаратау ауданындағы Тұран шағынауданында алты жасар бала су жиналған шұңқырға құлап, көз жұмғаннан кейін аудан әкімі қызметінен кетті, -деп хабарлайды Arysinfo.Kz.
Қайғылы оқиға 12 сәуір күні №10 көшеде орын алған. Осы оқиғаға байланысты қала әкімдігі бірқатар лауазымды тұлғаларға тәртіптік шаралар қолданғанын мәлімдеді.
Энергетика және инфрақұрылымдық даму басқармасының басшысына қатаң сөгіс жарияланды. Қаратау ауданының әкімі Рахманбек Мүлкеманов атқаратын қызметінен босатылды.
Сондай-ақ күтіп-ұстау және абаттандыру жұмыстарымен айналысқан мердігер ұйымдардың басшыларына қатысты тергеу жүргізілуде. Іс материалдары тергеу аяқталған соң сотқа жолданады.