дереккөз фото:Aikyn.kz
Алматы облысының Іле ауданында орналасқан базардағы дәмханадан тамақтанған 19 адам жаппай улану белгілерімен ауруханаға жүгінді. Зардап шеккендердің дене қызуы көтеріліп, жүрегі айнып, құсу және әлсіздік сияқты белгілер байқалған.
Қазіргі уақытта оқиғаға байланысты Іле аудандық санитариялық-эпидемиологиялық бақылау басқармасы тексеру жұмыстарын жүргізіп жатыр. Мамандар дәмханадан алынған тағам үлгілері мен санитарлық жағдайды зерттеп, уланудың нақты себебін анықтауға кіріскен.
Дәрігерлердің мәліметінше, науқастарға қажетті медициналық көмек көрсетілуде. Денсаулық сақтау органдары тұрғындарды қоғамдық тамақтану орындарын таңдауда сақ болуға және күмәнді тағамдарды тұтынбауға шақырды