4 маусым – Мемлекеттік рәміздер күніне орай Түркістан облысында патриоттық бағыттағы ерекше іс-шара ұйымдастырылды. Шараны облыстық қоғамдық даму басқармасына қарасты «Жастар ресурстық орталығы» КММ өткізді.
Түркістан қаласындағы футбол алаңында өңірдің белсенді жастары үлкен көлемдегі Мемлекеттік туды бірлесе көтеріп, рәміздерге деген ерекше құрметін білдірді. Қатысушылар Мемлекеттік Әнұранды хормен шырқап, Ту, Елтаңба және Әнұран туралы тарихи және құқықтық мәліметтермен танысты.
Жастардың бұл бастамасы — елдік сана мен патриоттық рухты арттыруға бағытталған үлгілі қадам. Мемлекеттік рәміздерге деген шынайы құрмет олардың азаматтық жауапкершілігін айшықтап, ұлт бірлігінің символына айналды.