Түркістан қаласы аумағында жанармай бағасы мен қорына тұрақты бақылау жүргізілуде. Бұл – нарықтағы тұрақтылықты сақтау және тұрғындарды сапалы отынмен қамтамасыз ету мақсатында қолға алынған маңызды шаралардың бірі.
Қала бойынша қазіргі таңда 24 жанар-жағармай құю бекеті жұмыс істейді. Бағаның негізсіз өсуіне жол бермеу үшін барлық жанармай станцияларында жүйелі мониторинг жүргізіліп, кәсіпкерлермен түсіндіру жұмыстары ұйымдастырылған.
Бақылау барысында бірнеше негізгі көрсеткіштер назарға алынуда:
– жанармай бағасының деңгейі;
– қор көлемі;
– қызмет көрсету сапасы.
Бұл жұмыстардың басты мақсаты – тұрғындарды қолжетімді әрі сапалы жанармаймен қамтамасыз ету, сондай-ақ өңірдегі экономикалық тұрақтылықты сақтау.
Қазіргі уақытта қала бойынша жанармай бағасы тұрақты деңгейде сақталып отыр. Жауапты мекемелер мониторинг жұмыстарын алдағы уақытта да жалғастырып, жағдайды тұрақты бақылауда ұстайтын болады.