Дереккөз, фото: Түркістан қаласы әкімдігі
Бүгін Түркістан қаласындағы Отырар мөлтек ауданында орналасқан №13 тұрғын үйдің автотұрағында әлеуметтік маңызы бар азық-түлік тауарларының жәрмеңкесі өтті.
Іс-шараға Мақтарал, Сауран, Жетісай, Шардара аудандары мен Түркістан қаласының жергілікті кәсіпкерлері қатысып, тұрғындарға өз өнімдерін ұсынды.
Жәрмеңке барысында жалпы көлемі 14 тоннадан астам азық-түлік тауарлары қала тұрғындары мен қонақтарына нарық бағасынан төмен, қолжетімді бағамен сатылымға шығарылды.
Мұндай жәрмеңкелер халықты әлеуметтік қолдау, азық-түлік қауіпсіздігін қамтамасыз ету және жергілікті тауар өндірушілерді қолдау мақсатында тұрақты түрде ұйымдастырылып келеді.
Шара барысында тұрғындар күнделікті тұтынатын азық-түлік өнімдерін тиімді бағамен сатып алуға мүмкіндік алды.