Мүгедектігі бар азаматтарды жұмыспен қамту мәселесі еліміздегі әлеуметтік саясаттың негізгі бағыттарының бірі болып қала береді.
Әлеуметтік кодекске сәйкес, мүгедектігі бар азаматтарды жұмысқа орналастыру мақсатында кәсіпорындар мен ұйымдар үшін арнайы жұмыс орындарының квотасы белгіленеді. Бұл квотаның мөлшері өңірлердегі жергілікті атқарушы органдар тарапынан 2 пайыздан 4 пайызға дейінгі аралықта бекітіледі.
Өткен жылы аталған квота аясында 8 100 мүгедектігі бар азамат жұмысқа орналастырылған. Қазіргі таңда бұл көрсеткіш екі есеге жуық өсіп отыр.
2026 жылғы 1 мамырдағы жағдай бойынша елімізде квота шеңберінде 5 500 мүгедектігі бар азамат жұмыспен қамтылған. Сонымен қатар Әлеуметтік кодекс аясында жүзеге асырылып жатқан жұмыспен қамтудың белсенді шараларының нәтижесінде тағы 6 600 адам жұмысқа орналасқан.
Олардың ішінде 2 300 азамат тұрақты жұмыс орындарына орналасса, 4 400 адам субсидияланатын жұмыс орындарына тартылған. Атап айтқанда, олар қоғамдық жұмыстарға, әлеуметтік жұмыс орындарына, «Күміс жас» жобасына және жастар практикасына қатысуда.
Мемлекет алдағы уақытта да мүгедектігі бар азаматтарды еңбек нарығына тарту, олардың кәсіби әлеуетін дамыту және тұрақты жұмыспен қамту бағытындағы жұмыстарды жалғастырады.