Дереккөз: Сайрам ауданы әкімдігінің баспасөз қызметі
Шымкент қаласында 2014- 2015 және 2016- 2017 жылы туған балалар арасында қазақ күресінен «Спорт — денсаулық, есірткі — зұлым» атты ашық біріншілік ұйымдастырылды. Дода жасөспірімдер арасында салауатты өмір салтын насихаттау, ұлттық спортты дамыту және жас палуандардың шеберлігін арттыру мақсатында өткізілді.
Жарысқа қатысқан «Сайрам ұлттық спорт клубы» КММ-нің спортшылары аудан намысын абыроймен қорғап, жүлделі орындарға ие болды. Атап айтқанда, М. Кадирметов 32 кг салмақта 1-орын иеленсе, Б. Нурбек 46 кг салмақта 2- орынға табан тіреді. Ал Қанатбаев М.Бирликов Д. және Марупжанов А. өз салмақ дәрежелерінде 3- орыннан көрінді.
Жас палуандардың бұл жетістігі — тұрақты дайындық пен еңбектің нәтижесі. Алдағы уақытта да сайрамдық спортшылардың биік белестерді бағындыратынына сенім мол.